Programa betea dakar aurten be Ondarearen Europako jardunaldiak Bizkaian. Urrian zehar, Bizkaiko herri, alkarte eta erakunde askok eta askok egingo dabe era bateko edo besteko ekitaldiren bat, danak gai bakarraren inguruan: Etxetik kanpo.
Aurtengo gaiak, bai Euskal Herritik beste leku batzuetara, bai beste leku batzuetatik Euskal Herrira joan behar izan dabenak hartuko ditu protagonistatzat. Era horretako aldaketak eragin handia dauka personaren bizimoduan, herriaren nortasunean eta ondarearen transmisinoan. Hori dana azalduko da ekitaldiotan, ikuspegi oso desbardinakaz.
Bizkaiko Foru Aldundiak urtero eratzen ditu jardunaldiok urrian, Ondarearen Nazinoarteko egunaren inguruan. Aldundia berez, eratzailea baino gehiago koordinatzailea da. Izan be, agenteok eurok antolatzen dabez ekintzak, eta Aldundiak programa bateratu batera ekarri.
Etxe ondoan nahiz urrintxuago, badago zer ikusi eta zer egin datorren hilean.
