Bizkaiko Foru Aldundiak eratuta, ekainaren 7an jardunaldia egingo da Bilboko Euskalduna jauregian.
Hitzaldi bi egingo dira hasteko. Miren Josune Ariztondo Kultura diputadeak euskereak Bizkaian azken urteetan egindako bidea azalduko dau. Eta Maite Goik teknologia barrien gaur eguneko testuinguruaz jardungo dau.
Horren ostean, mahai-ingurua egingo dabe arlo ezbardinetan dabilzan lau ordezkarik: Maite Goi irakaskuntzan, Jose Rojas Topagunean batez be aldizkari eta komunikazinoan, Fernando Simon euskara teknikari moduan eta Josu Larraaga trebatzaileen ordezkari moduan. Moderatzaile Igone Etxebarria Labayru Ikastegikoa izango da.
Teknologia barriak guztiz aldatu deuskue komunikatzeko eta behar egiteko modua, eta horren barruan sarea bihurtu jaku komunikazino-tresna nagusia. Hizkuntza-plangintzaren ikuspegitik, euskereak erronka barriak daukaz joko-zelai horretan, eta baita aukerak be. Horren ganean jardungo dabe jardunaldian.
Euskara teknikari, irakasle, trebatzaile eta euskereagaz edozelango loturea dauken lanbideetako jenteari zuzenduta dago.
