Nazinoarteko kongresua egingo da Bilbon hizkuntzen kudeaketari buruz, Eusko Jaurlaritzako Kultura eta Hizkuntza Politika Sailak eta Ekonomiaren Garapen, Jasangarritasun eta Ingurumen Sailak antolatuta eta Bilboko Udalaren laguntzagaz.
Urtarrilaren 18an Euskaldunan eta 19 Guggenheim museoan egingo da kongresua, hemengo eta kanpoko hizlariek parte hartuta.
Hizkuntzen kudeaketa gero eta garrantzitsuagoa da enpresen jardueraren barruan. Horren ganean gogoeta egitea eta enpresaren barruko prozesuetan ondo txertatuta eukitea lehiakorrago izateko balio dau.
Languages lanean Kongresuan hainbat esperientzia landuko dira, eta eztabaidatzeko tartea be egongo da zortzi arlotan batutako mahai-inguruetan: personak, nazioartekotzea, hizkuntzen kudeaketarako baliabideak, enpresa txiki eta ertainak, sektore publikoa, hezkuntza eta lan mundua, hizkuntza teknologiak eta zerbitzuaren kalidadea.
