Eusko Ikaskuntzak XIX. Kongresua egingo dau urriaren 2tik 4ra Gasteizen, “Elkartzen Gaituena / Lo que nos une / Ce qui nous rassemble” lelopean.
20218an aurreko Kongresuan ateratako ondorioek bidea emon eben hainbat ikerketa- eta hausnarketa-ildo lantzeko. Helburua zan une historiko honek planteatzen dituan aldaketei eta erronkei aurre egitea. Prozesu horretan metatutako ezagutza kontuan hartuta, XIX. Kongresuak hiru ardatz tematikoren inguruan aurrera egin gura dau:
1. Eredu sozio-ekonomiko barria eta ongizatearen gizartea. Eredu sozioekonomikoa birdefinitzeko eta ingurumen-jasangarrian oinarritutako ekonomia barri baterantz igaroteko behar diran pausuak emotea.
2. Jendartea. Gizarte-kohesio handiagoren bila, aniztasuna, kulturartekotasuna edota bizikidetza gogoan hartu behar dira.
3. Lurraldea. Euskal Herria osotzen daben lurraldeen arteko harremanak, kohesioa, uri- eta landa-munduen arteko loturak…
«Herri itun» bat lortu guran, proposamenak batzeko ahalegin apartekoa egingo da.
Eusko Ikaskuntzaren XIX. Kongresua zabalik dago adituak, irakasle- ikasleak, ikertzaileak, erakundeetako eta enpresetako ordezkariak eta euskal gizarte zibileko erakunde eta elkarteak hartzeko. Izena emoteko epea zabalik dago honezkero kongresuaren webgunean.
