Etxepare Euskal Institutuak eta Laboral Kutxak euskaraz idatzitako literatura-lan baten itzulpena saritzeko deialdia egin dabe. Hautagaiak aurkezteko epea ekainaren 26ra arte egongo da zabalik.
Helburua da euskerazko literatura itzuli eta gure eremutik kanpo argitaratzea, horretara bideratu dabe erakunde biek euren arteko alkarlana.
Sari horretara nazinoarteko itzultzaile eta argitaletxeak aurkeztu daitekez, beti be baldintza batzuk beteta: aurkeztutako lana jatorriz euskaraz idatzitako eta argitaratutako literatura-lan baten itzulpena izatea, eta itzulpen hori 2019. urtean argitaratutakoa izatea.
Epaimahaia, itzulpengintzaren arloko, Etxepare Euskal Institutuko eta Laboral Kutxako hainbat ordezkarik osatuko dabe, eta erabagia hartzeko kontuan izango dabe itzulpenaren kalidadea bera eta argitaletxearen sustapen plangintza.
Saria 4.000 eurokoa izango da, argitaletxearentzat eta itzultzailearentzat erdibana.
