Bahe batzuk nasaitxoagoak izaten ziran eta horreek lehenengo zahia kentzeko izaten ziran; bigarrena kentzekoak, barriz, sedazkoak izaten ziran. Sedazkoak sano karuak izaten ziran. Lantzean behin, baheroa etorten zan eta bahearen egurrezko moldea ekarten eban. Hari gero azpia ipinten jakon. Batzuetan, nahi-ta egurra ondo egon, azpiko telea apurtu egiten zan eta barria ipinten eban baheroak. Sareak desbardinak izaten ziran: zahia, tremesa edo artoa izan. Artoak, ondo eiho ezkero, urun ona ei dauka. Artoak azala latza dauka eta asko eiho ezkero, azaltxua jausten jakon urunari, eta eralgiteko bahea desbardina izaten zan.
Bahe diferenteak
