Loa eta Laia pertsonaietan oinarrituta, marrazki bizidunen sail barria sortu dabe euskeraz. Protagonista bien abenturak izango dira sailaren haria.
Lehenengo atala honezkero ikusgai dago Gau Beltzaren gainekoa; izan be, webgunean eta Youtuben zabalduko dira marrazkiok.
Berez 2-7 urteko umeei zuzenduta dago, euskerea eta musikea ardatz hartuta. Kantuak dira nagusi, marrazki zoragarriakaz batera. Laia, abeslaria eta baxu-jotzailea, eta Loa, abeslaria eta gitarra-jotzailea. Musika-talde bat osatu dabe Qiang eta Niko beren lagunekaz, eta musika-estilo guztiak erabiliko dabez, rock, pop, folk, rap, bluegrass, reggae eta jazz.
