Erandioko Gautxoriak alkarteak herriko giro kulturalean eragiteko programea eratu dabe irailerako, euskerazko sormenean eta kulturgintzan oinarrituta. Horixe da Eureka Domeka!
Aurten hiru domekatan hiru saio egingo dabez: Anari (hilaren 11n); marrazketa inprobisadua eta bertsoak (18an), Unai Iturriaga aurkezle eta bertsoak botaten eta marrazten Joseba Larratxe eta Eider Eibar; eta Porrumentzioren kontzertua (25ean).
2021ean, pandemiako murrizketek behartuta, aire zabalean egin eben lehenengoz ekimena. Orduko jentearen erantzun ona ikusita, aurten be Itsasadarraren ertzean izango dira saio guztiak.
