Bilboko Areatzan egingo da Liburu Azoka ekainaren 2tik 12ra bitartean. Horregaz batera, Bidebarrieta Kulturgunean literatur aurkezpenez betetako programa egingo da.
Javier Alcibarrek Material de uso urgente. 200 poemas errezitaldia egingo dau, bere poemategi barria aurkeztuaz.
Alan Parksek Zilarrezko Luma Saria hartuko dau aurtengo azokan, eta bertan parte hartuko dau Bobby March vivirá para siempre elaberria aurkeztuaz.
Rosa Monterok Liburu Azokaren edizio honetako Atea saria hartuko dau, eta bertan aurkeztuko dau El peligro de estar en la cuerda idazlana, Karmele Jaiogaz batera.
Kirme Uribek La vida anterior de los delfines aurkeztuko dau, Idoia Jauregigaz batera egingo dauen saioan. Liburu Azokaren edizino honetako Zilarrezko Luma Saria hartuko dau.
Fátima Frutok eta Imanol Uribek La selva bajo mi piel lana aurkeztuko dabe, EiTBko Felix Linares kazetariagaz batera. Erdialdeko Amerikan larogeiko hamarkada amaieran El Salvadorren ibilitako andra kazetari baten barri emoten da bertan.
Félix Madroñok Sol de brujas eleberria aurkeztuko dau, genero baltzean kokatzen dana; Alicia Giménez Bartlettek La presidenta; eta Mikel Santiagok Entre los muertos, trilogiaren azkenengo lana.
Aurkezpen guztiok Bidebarrieta Kulturgunean izango dira, doan, eta streaming bidez be jarraitu ahal izango dira.
